పండ్లు , కాయగూరలు ,గింజలు, పప్పులు , కందమూలాలు ,సుగంధద్రవ్యాలు మానవుడికి ప్రక్రుతి ప్రసాదించిన అపురూపమైన వరము .ఆయా సీజన్లలో పండే పండ్లను ఆరగించడం మనకు తరతరాలు గా తెలుసును . అన్నం తో కూడా ప్రకృతిసిద్ధమైన పండ్లు , కూరగాయలు ఇతర త్రునధన్యాలను ఆహారం గా ఆహారముగా తీసుకుని జీవించినట్లయితే శరీరానికి కావససిన అన్నిరకాల పోషకాలు లభిస్తాయి ... ఇదే అసలు ఉత్తమమైన జీవన విధానమని పకృతి వైద్యుల నమ్మకం.....ఆహారం జీవం ఉన్న ప్రతి జీవికి అత్యవసరమైనది. పిండిపదార్ధాలు, మాంసకృత్తులు, కొవ్వుపదార్ధాలు, ఖనిజలవణాలు, పీచుపదార్ధాలు, రోగనిరోధక శక్తికి కావలసిన విటమిన్లు మరియు శరీర పోషణకు రక్షణకు కావలసిన పదార్ధాలను కలిగిన పదార్దాలను ఆహారంగా పేర్కొనవచ్చు. ఇవి కాక శరీరానికి నూతన ఉత్సాహాన్నిచ్చే కాఫీ, టీ లాంటి వాటిని కూడా ఆహారపదార్ధాల కోవలోకి వస్తాయి. ఆహారం ఘన, ద్రవ రూపాలలో లభ్యం అవుతుంది.
- సరియైన నూట్రిషనల్ విలువలు లేని లేదా సరిపడు కేలరీలు లేని లేదా అనారోగ్యకరమైన అహారపదార్ధాలను జంక్ ఫుడ్స్ అంటారు . జంక్ ఫుడ్ తినడము వలన అనారోగ్యం నకు దారితీయును . ఈ పదము మొదట 1972 లో Michael Jacobson (director of the center for Science in the public interest). జంక్ ఫుడ్ లో ఎక్కువ పరిమాణములో సాచ్యురేటెడ్ కొవ్వులు, సాల్ట్ , సుగర్ ఉంటాయి. ఆరోగ్యకరమైన పండ్లు , కాయకూరలు , ఫైబర్ ఉన్న పదార్ధములు ఉండవు . సాధారణముగా ఉప్పు స్నాక్స్ అంటే చిప్స్ , కాండీ , తీపి ఉండలు , పంచదారపెట్తిన సీరల్స్ , ఫ్రైడ్ ఫాస్ట్ ఫుడ్స్ , కార్బొనేటెడ్ డ్రింక్స్ , రెడిమేడ్ కూల్ డ్రింక్స్ , మసలా చాట్ , పకోడీలు, బజ్జీలు వంటి స్నాక్ ఫుడ్,మిర్చి బజ్జీలు,ఫాస్ట్ ఫుడ్ టమోటో కెచప్, వెన్నతో కూడిన కేకులు, చాక్లెట్‌ డింగ్‌-డాంగ్స్‌, బేకన్‌, సాసేజ్‌ మున్నగునవి.బర్గర్, పిజా, ఫ్రెంచి ఫ్రైస్, కేక్స్, నూడిల్స్... పిల్లలకు నచ్చే జంక్ ఫుడ్. '
జంక్ ఫుడ్ తింటే స్థూలకాయం వస్తుంది. ఈ ఊబకాయం వలన చిన్న వయస్సులోనే బిపి, ఆపై షుగర్‌ వస్తుంది'. శాస్త్రవేత్తలు.'ధూమపానం, మత్తు మందుల మాదిరిగానే జంక్ ఫుడ్ తినడం కూడా వ్యసనంగా మారుతుందంటున్నారు. అంతే కాదు మనిషిపై మాదక ద్రవ్యంతో సమానంగా దుష్ప్రభావాన్ని సైతం చూపుతాయ'ని వీరు కనుగొన్నారు. అమెరికాలోని ఫ్లోరిడాకు చెందిన స్క్రిప్స్‌ రిసెర్చ్‌ ఇన్‌స్టిట్యూట్‌ శాస్త్రవేత్తలు మూడేళ్లపాటు పరిశోధనలు చేసి జంక్ ఫుడ్ కొకైన్‌ వంటి మాదక ద్రవ్యాలతో సమానమని తేల్చారు. జంక్ ఫుడ్‌కు అంటే బేకరి పదార్థాలకు అలవాటు పడితే అది ఊబకాయానికి దారి తీయడమే కాకుండా మెదడుకు కూడా హాని కలిగిస్తుందని కనుగొన్నారు. ఇందుకు కారణం బేకరీ పదార్థాల్లో కొవ్వు పదార్థం ఎక్కువగా ఉండటమేనని వెల్లడించారు. జంక్ ఫుడ్ వల్ల కలిగే ప్రభావాలు తెలుసుకునేందుకు వీరు ఎలుకలపై మూడేళ్ల పాటు పరిశోధనలు సాగించారు. అధిక కేలరీలు గల ఆహారం తీసుకోవడం వల్ల మెదడుకు ప్రమాదమని తేల్చారు.
- ఫాస్ట్‌ఫుడ్‌కు ప్రత్యామ్నాయంగా...
ఫాస్ట్ ఫుడ్ ఆరోగ్యకరమైన ఆహారం కాదు...ఈ విషయం దాదాపు అందరికీ తెలిసిందే. కానీ ఫాస్ట్‌ఫుడ్‌ కనబడితే చాలామంది తినకుండా ఉండలేరు. ఏదో కొద్దిగా తింటే ఏమవుతుంది అని
ఫాస్ట్ ఫుడ్ తినడం మొదలు పెట్టి ఎక్కువగా తినేస్తారు. దీంతో ఆరోగ్యానికి హాని కలుగుతుంది. ఫాస్ట్ ఫుడ్స్ జంక్ పుడ్డులో ఓ రకం..అందుకని భేదాలు..విభేదాలు ఉండవు. రెండూ ఒకటే.
- -ప్రతిరోజూ ఫాస్ట్‌ఫుడ్‌ను తింటే ఆరో గ్యానికి కలిగే హాని గురించి తరచూ వార్తా పత్రికలు, టివిలలో అందరూ చూస్తుంటారు. కానీ వీటిని తినడానికి మాత్రం వెనుకాడరు. ఈ విషయంలో న్యూట్రీషనిస్ట్‌ నమ్రతా దేశాయ్‌ మాట్లాడు తూ ‘ఫాస్ట్ ఫుడ్ వంటి జంక్ ఫుడ్‌కు ఆరోగ్యకరమైన ప్రత్యామ్నాయ ఆహారం ఏదీ లేదు. కానీ ఫాస్ట్ ఫుడ్ విషయంలో కొన్ని జాగ్రత్తలు తీసుకుంటేసరిపోతుంది. నేటి రోజుల్లో బ్యాలెన్స్‌డ్‌గా ఉండే ఆహారాన్ని తీసుకోవడం మేలు. ప్రతిరోజు మనం తీసుకునే ఆహారంలో కూరగాయ లు ఎక్కువగా ఉండేటట్లు చూసుకోవాలి. దీంతో పాటు రోజూ కొంతసేపు వ్యాయా మాలు చేయడం ఆరోగ్యానికి మంచిది. ఈ విషయాలను దృష్టిలో పెట్టుకొని ఎప్పుడైనా జంక్ ఫుడ్ తీసుకోవాలనుకున్నా పెద్దగా ఇబ్బంది ఉండదు. నేటి బిజీ జీవితంలో ప్రతి ఒక్కరూ ఆరోగ్యంపై ప్రత్యేక దృష్టిని కేంద్రీకరించాల్సిన అవసరం ఉంది’ అని ఆమె పేర్కొన్నారు. ఫాస్ట్ ఫుడ్‌కు ప్రత్యామ్నాయంగా బేక్‌డ్‌, గ్రిల్‌డ్‌, రోస్టెడ్‌ ఫుడ్‌ను తీసుకోవచ్చు. గ్రిల్‌ చేసిన చికెన్‌ బాగా ఫ్రై చేసిన చికెన్‌ కంటే రుచికరంగా ఉంటుంది. గ్రిల్‌డ్‌ సలాడ్స్‌తో కూడిన స్యాండ్‌విచ్‌, గ్రిల్‌డ్‌ సలాడ్స్‌తో కూడిన బర్గర్ ఆరోగ్యానికి మంచిది. సాధారణంగా ఉపయోగించే వెన్నకు బదులుగా తక్కువ కొవ్వు ఉండే వెన్నను వాడడం శ్రేయస్కరం. దీంతో రుచికరమైన ఆహారాన్ని తక్కువ క్యాలరీలతోనే పొందవచ్చు. ఆరోగ్యంగా ఉండాలంటే జంక్ ఫుడ్‌కు ప్రత్యామ్నాయ ఆహారాన్ని తీసుకోవడం మంచిది.
- దేశంలో శరవేగంగా పెరిగిపోతున్న ఫాస్ట్ ఫుడ్ సంస్కృతి
దేశంలో ఫాస్ట్ ఫుడ్ సంస్కృతి శరవేగంగా పెరిగిపోతుంది. ఈ ఫుడ్ చాలా ఫాస్ట్ గురూ అని పిస్తోంది. దేశంలో గత కొన్ని సంవత్స రాలుగా ఫాస్ట్ ఫుడ్ పరిశ్రమ అనూ హ్యంగా అభివృద్ధి
చెందుతోంది. దేశం లోని ప్రజల జీవన విధానంలో సంభ వించిన అనేక మార్పులు, ఆదాయాలు భారీగా పెరిగిపోవడం, ఆహార అభిరు చుల్లో తరచుగా మార్పులు చేసుకోవడం లాంటి ఘటనలు ప్రజలు కొత్త కొత్త రుచులకు అలవాటు పడటానికి, ఫాస్ట్ ఫుడ్ సెంటర్‌లకు పరుగులు తీయ డానికి దోహదపడ్డాయి. దాంతో దేశంలోని ఫాస్ట్ ఫుడ్ పరిశ్రమ మూడు పువ్వులు ఆరు
కాయలుగా ముందుకు సాగుతోంది. భారతీయులు ఈ మధ్య కాలంలో తరచుగా విదేశాలను సందర్శించడంతో అక్కడి ఆహార అలవాట్లపై మోజు పెంచుకోవడం, జీవన విధానంలో మార్పులు చేసుకోవడం, తీసుకునే ఆహారంలో మార్పులు చేర్పులతో ప్రయోగాలు చేస్తున్నారని నిపుణులు చెపుతున్నారు. ఈ సందర్భగా భారత(ఉత్తర, తూర్పు ప్రాంతీయ) మెక్‌ డోనాల్డ్‌ మేనేజింగ్‌ డైరెక్టర్‌(ఎండి) విక్రమ్‌ బక్షీ మాట్లాడుతూ దేశం మొత్తం మేద ఫాస్ట్ ఫుడ్ మార్కెట్‌ వ్యాప్తి శరవేగంగా జరుగుతోందని, 2010 సంవత్సరంలో మెట్రోనగరాలలో దాదాపుగా ఫాస్ట్ ఫుడ్ అమ్మకాలు 20 శాతం మేరకు పెరిగిన్నట్లు అమ్మకాలను పరిశీలిస్తే తెలుస్తోందని చెప్పారు. అంతేకాక త్వరలో దేశవ్యాప్తంగా ఫాస్ట్ ఫుడ్ సెంటర్‌లను మరో 40 ప్రారంభించాలని లక్ష్యంగా పెట్టుకున్నట్లు ఆయన తెలిపారు. ఈ విధమైన సెంటర్‌లను దేశంలో మొట్ట మొదటి సారిగా 1996లో ఢిల్లీలోని బసంత్‌ లోక్‌లో మెక్‌డోనాల్డ్‌ ప్రారంభించిందని, ప్రస్తుతం మొత్తం 211 ఫాస్ట్ ఫుడ్ రెస్టారెంట్‌లలో భారత్‌లోని ఉత్తర, తూర్పు ప్రాంతాలలో 105, పశ్చిమ, దక్షిణ భారత్‌లో 106 రెస్టారెంట్‌లు వున్నాయని బక్షీ తెలిపారు. మెక్‌డోనాల్డ్‌ ఫాస్ట్ ఫుడ్ రెస్టారెంట్‌లు మెట్రో నగరాలతో పాటుగా మిగతా నగరాలలో కూడా త్వరితగతిన అభివృద్ధి చెందుతున్నాయని దానికి ఉదాహరణ హర్యానాలో 14, పంజాబ్‌లో 11, ఉత్తరప్రదేశ్‌లో 28 రెస్టారెంట్‌లు పనిచేస్తున్నాయని ఆయన వివరించారు. దేశంలో పెరిగిపోతున్న చిన్న కుటుంబాలు, మధ్య తరగతి ప్రజలకు తగినంత ఆదాయం రావడం, ఇళ్ళలో వంట చేసుకొనే సమయం లేకపోవడం లాంటి అంశాలతో ఫాస్ట్ ఫుడ్ రంగం త్వరిత గతిన పెరగటానికి కారణంగా కనిపిస్తోందని, భవిష్యత్‌లో కూడా ఈ రంగం అభివృద్ధి చెందుతుని భావిస్తున్నట్లు నిరులా, విపి మార్కెటింగ్‌ విభాగానికి చెందిన రీతూ చౌదరి చెప్పారు. నిరులా కంపెనీ దేశంలోని ఢిల్లీ, ఉత్తరప్రదేశ్‌, ఉత్తరాంచల్‌, హర్యా నా, రాజస్థాన్‌, పంజాబ్‌లలో మొత్తం 80 ఫాస్ట్ ఫుడ్ రెస్టారెంట్‌లను ప్రారంభించారు. 2012 నాటికి మరో 70 రెస్టా రెంట్‌లను ప్రారంభించాలని లక్ష్యంగా పెట్టుకున్నారు. స్థానిక ప్రజలు ఫాస్ట్ ఫుడ్‌కు అలవాటు పడటంతో కంపెనీలు మంచి లాభాలు
గడిస్తున్నాయని, దేశంలో మొట్ట మొదటి సారిగా పిజ్జాను ప్రవేశపెట్టామని, అది ప్రస్తుతం స్థానిక వినియోగదారులను ఆకర్శించిందని, అంతేకాక కరహీ పన్నీరు, తీఖా పన్నీరు, కరిహీ చికెన్‌లను ఇంతకు ముందే రుచి చూపించామని అని ప్రస్తుతం అవి విజయవంతం అయ్యాయని, త్వరలో మరికొన్ని రుచికర పదార్ధాలను అదించనున్నట్లు ఫిజ్జా హట్‌ మేనేజర్‌ ఉమేష్‌ కుమార్‌ తెలిపారు.
బక్షీ మాట్లాడుతూ ఉత్తర భారతీయులు విభిన్న రుచులను ఎల్లప్పుడూ ఆదరిస్తారని, వీరిని దృష్టిలో పెట్టుకొని త్వరలో మెక్‌ఆలూ తిక్కీ బర్గర్, పిజ్జా మెక్‌పుఫ్‌, మెక్‌వెజ్‌లనే కొత్త రుచులను
ప్రవేశపెట్టనున్నట్లు ఆయన తెలిపారు. గడిచిన 2008, నుంచి 2010 మధ్య కాలంలో ఫాస్ట్ ఫుడ్ వినియోగం వార్షిక సగటు 7.8 శాతంగా పెరిగిందని, 2012 నాటికి సగటున 8.6 శాతానికి అభివృద్ధి చెందుతుందని ఒక నివేదిక తెలిపింది. ఈ సందర్భంగా బిపిఒలో పనిచేస్తున్న మోనా శర్మ(24) మాట్లాడుతూ తాము రాత్రులు కూడా పనిచేస్తుంటామని, పనిభారం కూడా వుంటుందని అందు వల్ల బయటకు వచ్చి తినటానికి సమయం లేదని, సహజంగా తమ కంపెనీలు కొంత మంది ఉద్యోగులు కలసి బయట రెస్టారెంట్ల నుంచి ఫుడ్‌ను తెప్పించుకొంటారని, పిజ్జాలు, బర్గర్‌లు వెంటనే తినటానికి వీలుగా వుంటాయి కనుక తమ సమయం వృధా కాకుండా వుంటుందని ఆమె తెలిపింది. ఫాస్ట్ ఫుడ్ సెంటర్‌లను కొన్ని వైవిధ్యమైన ప్రదేశాలలో స్థాపిస్తున్నారని, ప్రయాణంలో వున్న వారిని కూడా ఆకర్శించటానికి వీలుగా వ్యాపార కూడలల్లో, ఎయిర్‌పోర్టుల్లో, మెట్రో స్టేషన్‌లతో పాటుగా అనేక ప్రదేశాలలో ఈ
ఫుడ్ సెంటర్‌లను ప్రారంభించారు. దేశంలో ఫాస్ట్ ఫుడ్ సంస్కృతి పెరిగిపోతుందని చెప్పాటానికి ఈ పరిమాణాలే ఉదాహరణగా చెప్పావచ్చును.
=-========================
Visit my Website -
Dr.Seshagirirao...
No comments:
Post a Comment